ኮተቤ የትምህርት ዩኒቨርሲቲ ወራሪው ጁንታ ላፈናቀላቸው ወገኖቻችን ለሁለተኛ ጊዜ ድጋፍ ሰጠ፡፡

                                                                                                                                                                    25/03/2014 ዓ.ም

ኮተቤ የትምህርት ዩኒቨርሲቲ ለሁለተኛ ጊዜ ለወገን አሌኝታነቱን በተግባር ለመግልፅ ያደረገው ድጋፍ በወራሪው ጁንታ ምክንያት ተፈናቅለው በደብረብርሃን ከተማ በጊዜያዊ መጠለያ ጣቢያ ለሚገኙ ወገኖቻችን እንደሆነ ተውቋል፡፡ ድጋፉ ከዩኒቨርሲቲው ማህበረሰብ የተሰባሰቡ ምግብ ነክ፣ አልባሳት፤ የተለያዩ ቁሳቁሶችና የግል ንፅህና መጠበቂያዎችን ያካተተ ሲሆን በገንዘብ ሲሰላ 1.2 ሚሊዮን ብር እንደሆነ ለማወቅ ተችሏል፡፡ በዚሁ ወቅት ወራሪ የህዝብ ጠላት በሆነው ጁንታ ታጣቂ የተፈናቀሉት ወገኖችና በጦርነቱ የተጎዱ ጄግናው የኢትዮጵያ መከላከያ ሠራዊት አባለት የተጎበኙ ሲሆን ተፈናቅለው በመጠለያ ጣቢያዎች ያሉትና በጦርነቱ ተጎድተው በማገገም ላይ የሚገኙ ወገኖች በተደረገው የደጀንነት ተግባር መደሰታቸውን ገልፀዋል፡፡

ኮተቤ የትምህርት ዩኒቨርሲቲ ፕዝዳንት የተከበሩ ዶ/ር ብርሃነመስቀል ጠና ለወገን አሌኝታነታቸውን ለማግለፅ በእለቱ በከተማው የተገኙ የተለያዩ ዩኒቨርሲቲዎችን በመወከል ባደረጉት ንግግራቸው የአጥፊዎች ሴራና የአውዳሚዎች ተግባር በመላው የቁርጥ ቀን ኢትዮጵያዊያን ደጀንነት መደገፍና መመከት ስላለበት ይህንኑ ተግባራቸውን ለመወጣት ዩኒቨርሲቲዎቸ እውቀትን አፍልቆ ከማስተማር ባሻገር ያላቸውን ጥሪት በማካፈል ያደረጉት አስተዋፅኦ ከፍተኛ መሆኑን ገልፆ ለወደፊትም ችግሩ በዘለቄታዊነት እስከሚቀረፍ ድረስ ድጋፉ ቀጠይነት እንዳለው ተናግሯል፡፡ እንዲሁም በስፍራው ካለው የመከላከያ ሠራዊታችን ጋር በነበረው መርሀ-ግብር ላይ እንደተናገሩት ጄግኖች የኢትዮጵያ የቁርጥ ቀን ልጆች ጠላትን እየመከቱ፤ ድባቅ እየመቱ፤ በአጥንታቸው ሀገርን እየገነቡ፤ ኒዮ-ኮሎኒያሊዝምን እያሸነፉ በደማቸው ደግሞ አኩሪ የድል ታሪክን እየፃፉ ስለሆኑ እጅግ ኮርተንባቸዋል ብለዋል፡፡

በተመሳሳይ መልኩ ከአሁን ቀደም በወራሪው ጁንታ ጦርነት ምክንያት ከአፋር ክልል እና ከወሎ ለተፈናቀሉ ወገኖቻችን ዩኒቨርሲቲው የአምስት ሚሊየን ብር ድጋፍ ማድረጉ ይታወሳል፡፡

                                                                                                                      የኮሚዩኒኬሽን ጉዳዮች ዳይሬክቶሬት