ኮተቤ የትምህርት ዩኒቨርሲቲ በየደረጃው ካሉ የዩኒቨርስቲው አመራሮች ጋር በአዲሱ የተቋማዊ ሽግግር ፍኖተ-ካርታ ላይ ውይይት አደረገ፡፡

ሰነዱ ለዩኒቨርስቲ ካውንስሉ ከቀረበ በኃላ የዩኒቨርሲቲው ፕሬዝዳንት ዶ/ር ብርሃነመስቀል የትምህርት ዩኒቨርሲቲውን ተልዕኮ፣ አወቃቀርና አደረጃጀት በተመለከተም ለዩኒቨርሲቲው በአዋጅ የተሰጠውን ተልዕኮ ማዕከል ባደረገ አግባብ የውይይቱ ተሳታፊዎች ያቀረቧቸውን ሃሳቦችና አስተያየቶች ግብረ-ኃይሉ ግንዛቤ ውስጥ እንዲያስገባና ሰነዱ የበለጠ ዳብሮ መቅረብ እንዲችል አቅጣጫ ሰጥተዋል።

በመጨረሻም ሰነዱን ወደ ተግባር በማሸጋገሩ ሂደት አስፈላጊ የሆኑ የዐብይ ኮሚቴ፣ ቴክኒካል ኮሚቴ እና ሌሎች ኮሚቴዎች የማደራጀት ሥራ መሠራቱን፤ በቀጣይም የትምህርት ዩኒቨርሲቲውን የማደራጀት ሥራ ውጤታማ እንዲሆን የሚረዱ የሃገሪቱ የትምህርት ልሂቃን አማካሪ የሚሆኑበት ቦርድ እንደሚቋቋምና ሁሉም ባለ ድርሻ አካላት ተሳታፊ የሚሆኑባቸው ቀጣይ መድረኮች እንደሚመቻቹ ገልጸዋል።

ኮሚዩኒኬሽን ጉዳዮች ዳይሬክቶሬት