በሥርዓተ-ፆታ እና የህይወት ክህሎት ላይ ያተኮረ ሥልጠና ለኮተቤ የትምህርት ዩኒቨርሲቲ መምህራን ተሰጠ፡፡

የዩኒቨርሲቲው የሴቶች፣ ህፃናት እና ወጣቶች ዳይሬክቶሬት ዳይሬክተር ዶ/ር ፍቅርተ ወ/ሥላሴ እንደገለፁት፣ ስልጠናውን በቅድሚያ ለመምህራን መስጠት ያስፈለገበት ዋናው ምክንያት የሥርዓተ-ፆታ እና የህይወት ክህሎት አመለካከትን ለራሳቸው በሚገባ ሁኔታ አዳብረው ለተማሪዎቻቸው ለማስረፅ ቅርብ ስለሆኑ ነው፡፡

ከሥርዓተ-ፆታ እና ከህይወት ክህሎት አንፃር በህብረተሰቡ ዘንድ ያለው የቆየ ዘልማዳዊ አስተሳሰብ በሥልጠናው ወቅት በውይይት መልክ ቀርቧል፡፡ በሥልጠናውም በህብረተሰቡ ዘንድ ያለው የወንድንና ሴትን ሚናና ቦታ የመለየት ዘልማዳዊ አስተሳሰብ ከመቅረፍ በተጨማሪ በሥርዓተ-ፆታ እና የህይወት ክህሎት ዙሪያ የመምህራኑን ግንዛቤ የሚያዳብሩ አዳዲስ ሳይንሳዊ ስልቶች እና ስነ-ዘዴዎች ተካተዋል፡፡

ሥልጠናውን የሰጡት ኢንጀንደር ሔልዝ (Engender Health) ከተሰኘ ግብረ ሰናይ ተቋም የመጡ ባለሙያዎች መሆናቸው ለማወቅ ተችሏል፡፡

የኮሚዩኒኬሽን ጉዳዮች ዳይሬክቶሬት