የኮተቤ የትምህርት ዩኒቨርሲቲ የበላይ አመራሩ በቀጣዮቹ ስድስት ወራት የሚከናወኑ ቁልፍ ተግባር አመልካቾች ርክክብ አደረጉ።

የኢ.ፊ.ዴ.ሪ ትምርህርት ሚኒስቴር ከሁሉም የከፍተኛ ትምህርት ተቋማት የቦርድ ሰብሳቢዎች እና ፕሬዚዳንቶች ጋር በየተልዕኮአችን ለ2017 በጀት ዓመት የስራ አፈፃፀም KPI: Performance Contract Agreement” መፈራረሙ ይታወቃል፡፡

በዚሁ መነሻነትም ዛሬ ታህሳስ 23/2017 ዓ.ም በዩኒቨርስቲ ደረጃ የዩኒቨርሲቲው ፕሬዝዳንት ከምክትል ፕሬዝዳንቶች እና ከጽ/ቤት ሃላፊ ጋር በየዘርፎቻቸው ካስኬድ በተደረጉ የበጀት ዓመቱ ዕቅድ ቁልፍ የውጤት አመላካቾች ላይ “Performance Contract Agreement” ተፈራርመዋል፡፡

በፊርማ ስነ-ስርዓቱ መክፈቻ የዩኒቨርሲቲው ፕሬዚዳንት ዶ/ር ብርሃነመስቀል ጠና ባስተላለፉት መልዕክት እንደሀገር የተጣለብን ኃላፊነት ከፍተኛ ነው ። በዚሁ እምነት የኮንትራት ውሉ የትምህርት ዩኒቨርሲቲውን ተሻጋሪ በሆነ ጠንካራ መሠረት ላይ ለመመሥረት እያደረግን ያለነውን ጥረት የሚደግፍ፤ ሥራን በቁልፍ ተግባር በመለየት በጊዜ ለክቶ በየደረጃው ላሉ አመራሮች በመስጠት የተጀመረውን ተቋማዊ ለውጥ የሚያሳልጥ ነው ብለዋል።

የኮንትራት ውሉን በዩኒቨርሲቲያችን ቦርድ ሰብሳቢ እና ፕሬዚዳንቱ በኩል ከትምህርት ሚኒስቴር የበላይ አመራር ጋር እንደተፈራረምን እንዴት ወደታች እንደምናወርድ የካስኬዲንግ ሥራውን በየዘርፉ በተልዕኮ እና ስትራተጂካዊ ተነሳሽነት(Strategic initiative) በመለየት ለኮንትራት ውሉ የማስፈፀሚያ የድርጊት መርሀግብር ቀርፀን የተንቀሳቀስን ሲሆን ሁሉም የዩኒቨርሲቲ ካውንስል አባላት በተገኙበት በኮንትራት ውሉ ዓላማ፣ አስፈላጊነት ከፊርማው በኃላ ሊኖር ስለሚችለው ኃላፊነትና ተጠያቂነት እንዲሁም ክትትል እና ድጋፍ ወዘተ ቀርበው የጋራ አረዳድ የመፍጠር ሥራ ከተሠራ በኃላ የመፈራረሙ ተግባር ተከናውኗል።